Казанда Евразия гольф лигасының өченче этабы башланды
Бүген «Ак Барс» гольф клубы территориясендә Евразия гольф лигасының өченче этабы старт алды.
Турнирда катнашу өчен Татарстан башкаласына Россия, Үзбәкстан, Ямайка, Кубадан 55 спортчы килде.
Ярышлар ике көн дәвам итәчәк: беренче көнне барлык 55 кеше көч сынашачак, икенче көнне беренче көн нәтиҗәләре буенча иң яхшы 30 уенчы ярышачак.
Турнирның бүләкләү фонды – 1 500 000 сум.
Сүз уңаеннан, хәзерге вакытта Татарстанда «Яшьләр һәм балалар» илкүләм проекты гамәлгә ашырыла.