Ол өз парақшасында шаш күтіміне қатысты кеңестерімен бөліседі. Түрлі БАҚ құралдарына сұхбат та беріп үлгерген. Мөлдір көптің назарын жаулаған шашына тіпті қайшы тигізіп көрмегенін айтқан, деп жазады Caravan.kz медиа-порталы.

"Шашымды қалай өсірдім? Шаш өсіргеніме 20 жыл уақыт кетті. Қайшы тигізіп көрмедім. Ұшталғанда да қимадым. Аптасына 1 немесе 2 рет қана жуынамын. Үнемі өріп не түйіп жүремін. Ешқашан боямадым. Фенмен кептірмеймін. Лак, үтіктеу, бұйралау құралдарын мүлде қолданбаймын", — деген ол.

Мөлдір Қазақстан телеарнасы өткізген "Бұрымды қыз" байқауының жеңімпазы. "Қазақстандық Рапунцель" дейтін лақаб есімі де бар.

Сондай-ақ ол оқырмандарына фаст фуд тағамдарын жемейтінін, газдалған сусын ішпейтінін, ерте ұйықтап, таңертең 1 стақан су ішетінімен бөліскен.

Желі қолданушылары тарапынан түрлі сауалдар келіп түсетін көрінеді. Арасында қызықты хаттар да бар. Мөлдір ол туралы stories-те бөліскен.