Оның сөзінше, себебі кейбір депутаттардың өзінде 3-4 әйелден бар екен, деп хабарлайды Caravan.kz медиа порталы.

Бұл туралы ол «Халық үні» порталына берген сұхбатында мәлімдеді.

«Неге солай болды екен деп түсіндіріп жатқан кезде, автоматты түрде ақтап алып жатамыз. Травмасы бер екен ғой, стресске түсіп қалыпты ғой, қызметінен айырылып қалыпты ғой, бәсе сол үшін әйелін ұрып тастапты ғой дейміз. Қандай жағдай болсын, ер-азамат істеген ісіне жауап береді. Зорлық-зомбылықтың ешқандай түрін қоғамда ақтамауымыз керек. Ақтап жатқан адамдардың 99 пайызы зорлық-зомбылық жасап жүрген адамдар. Өйткені олар соны істеп жатқан адамдар, соны істегендіктен, таяқтың ұшы өздеріне тимесін деп, ақталу әрекеттерін жасайды», — деді психолог.

Сонымен бірге, қоғамда "Бишімбаевтар" көп екенін де жасырмады.

«Менің ойымша өте көп, мұның бірнеше дәлелі бар. Біріншіден, неге ұзақ уақыттан бері бізде тұрмыстық зорлық-зомбылыққа қарсы заң қабылданбай жатыр? Өйткені, депутаттардың басым көпшілігі ер-азаматтар. Ешкім өзіне қарсы заң қабылдағысы келмейді. Қазіргі таңда бар ма, жоқ па білмеймін. Бірақ жақында ғана, алдыңғы съездің өзінде депутаттардың өзінде 3-4 әйелі бар депутаттар болған. Оны бәрі біледі... Үш-төрт әйелмен тұрып жатқан депутат ешқашан әйелдің құқығын қорғайтын заң қабылдамайды. Соған сәйкес жұмыс істеп, әрекет етпейді.