Ғалым Байтук М.Қозыбаев атындағы Солтүстік Қазақстан Университетінің ректоры болуға әбден лайық тұлға, деп хабарлады өзінің Facebook парақшасында ҚР Президенті жанындағы Ұлттық құрылтай мүшесі, ҚР Мәжілісі Қоғамдық палата мүшесі, саясаттанушы Казбек Майгельдинов.

“Шекаралық аймақтарды дамытуда сол жердегі ЖОО идеологиялық тұрғыда негізгі рөлді ойнайды. Ауыл-аудандардағы жастар алыстап кетпей, өз аймағындағы жоғарғы оқу орнына түсіп, мамандық алып, кейін өз біліктілігін сол облыстың дамуына жұмсаса құба құп. Әсіресе солтүстік аймақтарда көп жылдар бойы “утечка мозгов” белен алғаны бар.

Жақында М.Қозыбаев атындағы Солтүстік Қазақстан Университеті ректоры басқа жұмысқа ауысып, қазір жаңа ректор әлі тағайындалмады. Осы ретте Кокшетауский Университет Ш.Уалиханова білім ордасында бірінші проректор қызметіндегі Galym Baituk соңғы жылдары аталмыш университеттің жұмысына жаңа дем бергенін көріп, байқап жүрміз. Бір жағынан қоғам белсендісі ретінде түйткіл мәселелерді әрдайым көтеруде, екінші жағынан университет жұмысында білікті менеджер ретінде жақсы бастамаларды да жүзеге асыруда. Идеологиялық тұрғыдан өзіндік көзқарасы да бар. Және өзі сол Солтүстіктің тумасы, сол университеттің түлегі. Меніңше қазіргі таңдағы геосаяси ахуал аясында және де үлкен тәжірибесін ескере отырып Ғалекен ректор болуға әбден лайық тұлға. Осындай шешім қабылданар болса, ұтылмасымыз анық”, – деп жазды саясаттанушы.