Путин Ресей әскеріне қосылған шетелдіктерге азаматтық бермек
| Владимир Путин Ресей Федерациясының Қарулы Күштерінде қызмет өткеру туралы келісімшартқа отырған шетелдіктерге ел азаматтығын беру туралы жарлыққа қол қойды. |
Бұл туралы Caravan.kz медиа порталы «Адырна» — ға сілтеме жасап хабарлайды.
«Арнайы әскери операция кезеңінде Ресей Федерациясының Қарулы күштерімен келісімшарт жасасқан шетел азаматтары Ресей Федерациясының азаматтығына қабылдау туралы өтініш бере алады», – делінген жарлықта.
Азаматтық алуға өтініш білдіргендер міндетті түрде саусақ ізін тіркеуден өтіп, дәрігердің рецептінсіз есірткі немесе психотроптық заттарды тұтынудың жоқтығын растайтын медициналық анықтамаларды ұсынуы керек. Бұдан бөлек басқаларға қауіп төндіретін жұқпалы аурулары болмауы тиіс.
