Начвин МАХ турында: «Куркынычсызлыкка бәйле сораулар күп туа»
Татарстан дәүләт идарәсен цифрлы нигездә үстерү, мәгълүмат технологияләре һәм элемтә министры Илья Начвин әйтүенчә, МАХ мессенджерында куркынычсызлыкка бәйле сораулар күп туа.
«Әмма борчылырга җирлек юк», – диде ул Хөкүмәт Йортында узган брифингта.
«МАХка Дәүләт хезмәтләре порталы аша гына кереп була. Ягъни, телефон номеры гына җитми. Моннан соң үзегез уйлап тапкан парольне дә кертергә кирәк. Шуңа күрә куркынычсызлык мәсьәләсендә бернинди сорау туарга тиеш түгел. МАХны Дәүләт хезмәтләре порталындагы шәхси кабинетка беркетү мәгълүматларны саклау өчен эшләнә», – диде Илья Начвин.
Брифингта хәбәр итүләренчә, Татарстанда яшәүче 1,5 миллион кеше МАХ мессенджерыннан файдалана.
