1 ақпаннан бастап Қазақстанда бірқатар өзгерістер болады. Massaget.kz тілшісі елдегі маңызды өзгерістерге шолу жасады.

1 ақпаннан бастап балаларға Ұлттық қордан қаржы бөліне бастайды. Бұл туралы Қаржы министрлігі өкілдері мәлімдеген еді.

«2024 жылы алдын ала есептеу бойынша 250 мыңнан аса жас қазақстандық оқу ақысын төлеу немесе тұрғын үй жағдайын жақсарту үшін Ұлттық қордың қаражатын пайдалана алады», — деген еді ведомство өкілдері.

pixabay.com

1 ақпанда Астанада «Елорда жастары» атты жеңілдетілген несиелеу бағдарламасына қатысуға өтінімдерді қабылдау басталады.

Ол үшін birge.astana.kz сайты арқылы 1 ақпан сағат 9:00-ден 6 ақпан сағат 23:59-ға дейін өтінімдер қабылданады.

©️ Tengrinews.kz / Тұрар Қазанғапов

Алматыда Еуразиялық үкіметаралық кеңес отырысы өтуіне байланысты 1-2 ақпанда жолда жүруге шектеу енгізіледі:

©️ Tengrinews.kz / Әлихан Сариев

Запастағы офицерлер екі жыл мерзімге әскери қызметке шақырылады. Қарулы күштерге 600 адамды, ҰҚК Шекара қызметіне 80 адамды, ІІМ Ұлттық ұланға 42 адамды және ТЖМ-ге 30 адамды шақыру жоспарланып отыр. Құжатқа сәйкес 2024 жылы 752 запастағы офицер шақырылады.

Қаулы 9 ақпаннан бастап күшіне енеді.

Қазақстанда бес медициналық препаратқа тыйым салынды. Үкімет қаулысымен бақыланатын есірткі құралдарының, психотроп заттар мен прекурсорлардың тізіміне өзгерістер енгізілді. Ал тиісті қаулы 6 ақпаннан бастап күшіне енеді.

8 қаңтарда мектептерде ІІІ тоқсан басталды. Ал ақпанда 1-сынып оқушылары үшін қосымша каникул болады. Мұндай каникул жыл сайын беріледі. Биыл ол 7 күнге созылады, яғни 5 ақпаннан 11 ақпанға дейін болады.

Жалпы қыста Қазақстанның барлық аумағында ауа температурасы климаттық нормадан 1-2 градус жоғары болады. Соның ішінде ақпанда еліміздің басым бөлігінде жауын-шашын нормаға жақын немесе одан жоғары болады.

Биыл ақпанда 29 күн болады, оның ішінде 8 күн демалыс, 21 жұмыс күні бар.

Өзекті жаңалықтарды өз уақытында оқу үшін Facebook парақшамызға жазылыңыз!