Қызылорда командасының жаңа басшысы Исламғали Қозбақов кімдерді командадан кетіретінін шешіп қойыпты. Бұл туралы Sportinfo.kz Aladop .kz сілтеме жасап хабарлайды.

Мемлекет басшысы Қасым-Жомарт Кемелұлы Тоқаевтың тапсырмасына сәйкес, «Қайсар» клубы жекеменшікке өткенін бүгін ғана жазып едік. Енді міне сыр елі, жыр елінен біздің порталға инсайд ақпараттар жетуде. Оның бірі көптің талқысында жүрген Виктор Кумыков жайында. «Қайсарды» легионерлерсіз Премьерде алып қалған бапкер Исламғали Қозбақовтың алдағы жоспарына кірмейтін болды. Сол себептен, Қазақстанның екі дүркін чемпионы басқа жақтан пана іздемек. Ал Кумыковтың орнына Андрей Ферапонтов келіп қалуы әбден ықтимал. Қазірде қасқырлар командасы Қазақстанның U21 бапкерімен келіссөздер жүргізуде. 50 жастағы жаттықтырушы «Қайсар» клубымен байланыс орнату арқылы қос кеменің басын ұстай алатын жағдайда екенін меңзеуде.

Сонымен қатар, Қызылорда ұжымының спорттық директоры Мақсат Байжановта өз орнын босатады. Экс-футболшыны әзірге кім алмастыратыны белгісіз.