Татарстанда медицина хезмәте күрсәтү, дарулар белән тәэмин итү буенча туры элемтә була
Татарстанда медицина хезмәте күрсәтү һәм дарулар белән тәэмин итү мәсьәләләре буенча туры элемтә узачак. Бу хакта Россия Президентының республикадагы кабул итү бүлегеннән хәбәр ителде.
Телефон аша җиткерелгән сорауларга Сәламәтлек саклау министрлыгы хезмәткәрләре җавап бирәчәк. Туры элемтә иртәгә – 25 февральдә 10.00 сәгатьтән 12.00 сәгатькәчә үткәрелә.
«Кайнар линия» телефоны – 221-80-35.
Сүз уңаеннан, хәзерге вакытта Татарстанда «Һәр кешегә сәламәтлек» төбәк проекты гамәлгә ашырыла.
